Veðrið

Fyrsta bloggið - varla við hæfi að skrifa um annað en veðrið. Annað væri nánast föðurlandssvik. Í fyrsta skipti í mörg ár er þolanleg veðurspá fyrir sumardaginn fyrsta eftir þreytandi vetur. Sumardagurinn fyrsti er í takti við annað taktleysi okkar Íslendinga; þorum ekki að horfast í augu við veruleikann. Sumarið er bara tveir mánuðir og hvorugur góður . Eins og franskur sendiherra í Danmörku sagði eitt sinni um veðrið þar: Vont veður í fjóra mánuði og vetur í átta.